In memoriam Sef Titulaer
Ons erelid en voormalig bestuurslid
SEF TITULAER
is ons ontvallen, waarbij wij ook gedenken dat hij al 64 jaar lid is van onze vereniging. Wij kennen Sef als een trouw lid die veel betekend heeft voor de arbitrage en veel werk voor onze vereniging heeft verzet. Met name was Sef één van de grondleggers van ons clubhuis Huize Unicum. Wij danken Sef voor al zijn inzet en betrokkenheid bij het voetbal en SVO Venlo e.o.
Wij wensen zijn familie veel sterkte toe.
Os vereineging besteit dit jaor 90 jaor en in die geis is ut al biezonder en en ier um heej ut woord te meuge voere vur os ierelid Sef Titulaer daen 64 jaor deilgenoot van os klup moch zien.
Sef zien hart loog beej ut voetballe. Enne gooije speuler van ut ierste van Blierick die in daen tied en gerenomeerd elftal hadde binne ut amateurvoetbal. Haen besloot zien aktieve gedeilte as speuler te vervolge door de fluit in de hand te naeme. Ok daorin waor haen suksesvol en door de kombinatie van ut voetballe zeen en veule en de regels konsekwent toepasse, waor haen enne scheidsrechter daen beej de voetballers gaer gezeen waor. Logies det Sef vanoet die rol lid werd van Scheidsrechtersvereiniging Venlo en umstreke .
In de krant steit verneumt det Sef ein van de grondleggers is van os clubhoes op de Leutherberg Huize Unicum. Haen werkte beej de Globe en kos door mekkelik materiaal kriege wat beej de bouw en latere aanpassinge gebroek kos waere. Haen waor aktief neet allein as bestuurslid, maar ok lang betrokke beej allerlei aktiviteite die beej zon vereineging hure. Absoluut en trouw lid, daen vreewal altied aanwezig waor op ozze wekelikse klupaovend op donderdaagovend. Umdet gegaeve te aksentuere wil ik nag beneume det tot 31 december 2015 Sef geld inlag op ozze variant van de Duitse lotto; en spelke um de klubkas te spekke.
Sef kenne weej as eemus mit en werme belangstelling vur alles en idderein. Gewoen enne simpatieke en fijne mins. Biezonder daobeej is det haen wal krities waor en zien meinung beargumenteerd naor veure brach, zonder eemus vur de kop te stoete. Duudelik, maar neet op de veurgrond.
Gruets en erkintelik zien weej det Sef de titel ierelid draagt. Eigeschappe van trouw zien, onveurwaardelikke inzet hebbe, duudelik, rechtvaardig en veural minselik zien hebben er wellich toe beegedrage det haen en lang en gezond laeve van lichaam en geis haet meuge hebbe. Ut zien ok de peilers waobeej de vereiniging die Sef zoe aan ut hart laet, kanse gaef um springlaevend naor de 100 jaor toe te werke.
Sef bedank vur alles; fijn det geej zoe lang beej os hebbe meuge zien.
